— 1470 —
nja koetika líat marika itoe soeda poelang hati- nja djadi girang sekali. Marika itoe sigra di panggil masoek, pada siapa Bong Loan berkata: „Akoe merasa sanget girang Soewie Tjiangkoen soeda bekerdja menoeroet betoel sebagimana akoe poenja prenta, hingga itoe semoea tentoe bakal trima pahala jang besar."
Dengen hati sangsi itoe ampat panglima mem- bilang trima kasi.
„Tapi sekarang angkau sekalian haroes lakoeken poela itoe pakerdja'an seperti jang soeda," kata poela Bong Loan, tjoema bedanja, kaloe moesoe reboet itoe gerobak-gerobak djangan teroes lari poelang ka pasanggrahan, hanja lari kira-kira lima li djaoenja lantas brenti. Nanti kaloe denger boenji meriam satoe kali, angkau masing-masing balik menjerang ka pasanggrahannja moesoe. Lagi sekali akoe peringetken, dalem ini pakerdja'an angkau haroes berlakoe ati-ati djangan sampe melanggar prenta."
Itoe ampat panglima bilang baek laloe moendoer.
Kombali itoe ampat panglima jang trima prentahan merasa sanget heran dan tiada abis mengarti, begimana kapala prangnja boleh berlakoe begitoe.
„Kita orang nanti dapet seboetan satoe panglima jang kala, tapi aken mendapet gandjaran besar!" kata The Tok sambil tertawa.
„Tapi djanganlah di boeat heran, kaloe dja-
