— 1471 —
man sekarang atoeran prang menoeroet djaman jang baroe!" kata Beng Jang. Laen kapala prang ingin panglimanja mendapet kamenangan, tapi Loan Goanswe poenja maoe, soepaja ponggawanja dapet kekala'an."
„Lagi-lagi kau orang retjokin ini perkara!" kata Ouw-jan Peng. "Orang jang djadi kapala prang, satoe persatoe ada mempoenjain atoeran sendiri-diri. Sekarang, marilah kita orang lakoeken masing-masing poenja pakerdja'an jang soeda di tetepken. Toeroet akoe poenja pengliatan, roepa dan gerakannja kita poenja kapala prang ada laen seperti sari-sari, maka bisa di harep dalem ini pakerdja'an tentoe ada mengandoeng maksoed apa-apa jang kita orang tiada mendapet taoe."
Tatkala itoe ampat ponggawa soeda berlaloe, Bong Loan lantas prenta poela ampat panglima laen, bagi prenta pada marika itoe seraja berkata: „Angkau masing-masing boleh mengapalaken doea riboe soldadoe, semboeni di ampat pendjoeroe pintoe kota, pada satoe tempat jang tiada dapet di liat oleh moesoe. Nanti kaloe denger boenji meriam angkau berame moesti lantas kloear dan bikin penjerangan pada satoe-satoe pintoe kota. Inget ini prentahan moesti di lakoeken dengen betoel, siapa jang moendoer dan tiada bekerdja dengen soenggoe hati, akoe nanti tabas batang lehernja."
