— 1131 —
tjoe, kerna dalem perdjalanan ini orang moeda ada terdjadi brapa perkara penting jang kita perloe toetoerken.
Sedari berpisa pada kong Loan di itoe hari, dengen lekas Boen Pa brangkat ka tana Jan, di mana ia doega In Liong pergi ka sana, tetapi koetika sampe di itoe tempat ia tiada dapet ketrangan soeatoe apa dengen itoe orang jang ditjari. Di sitoe ini orang moeda merasa bingoeng; ia tjoba tjari ketrangan lagi sampe brapa hari dan satelah rasa pertjoema sadja, sigra ia brangkat dari sana pergi ka Gan Boen Koan, di mana kombali ia doega tentoe In Liong soeda pergi lindoengin diri ka sana sablon pergi ka laen tempat.
Tapi apa tjilaka dalem ini perdjalanan ia dapet brapa halangan. Itoe koeda jang ia doedoekin roepanja tiada tjoekoep koeat boeat lintasi perdjalanan djaoe, kerna saban-saban mogok dan achir-achir kapaksa moesti djalan kaki, sebab pada satoe hari itoe binatang telah mati di tenga djalan lantaran ketjapean.
Djengkelnja Boen Pa dalem ini perdjalanan soeda tiada oesa di seboet lagi. Teristimewa boeat sampe di tempat jang ditoedjoe masi sanget djaoe, oewang jnng di dalem sakoenja soeda moelai abis, kerna setiap hari moesti digoenaken boeat ongkost. Tiada lama poela moesin dingin aken oendjoek roepanja, dan ini semoea
