— 1474 —
njata'an, bahoea pakerdja'an-pakerdja'an jang ia lakoeken tjoema boeat memantjing pada moesoe sadja, sedeng asilnja jang di dapet pada itoe waktoe ada mengoendjoek satoe kagoembira'an besar. Begitoelah koetika liat itoe kedjadian, itoe ampat panglima satoe persatoe menjerang pada moesoenja dengen seroe sekali, hingga barisannja Pak Hoan djadi kaloet, tiada bisa saling menoeloeng pada kawan-kawannja sendiri.
Taij Touw Tok, Wa Dji Tjeng, Tiat Houw dan Kim Liong telah tiwas djiwanja di dalem itoe kariboetan.
Ampat panglima negri menjerang teroes dengen heibat sekali, hingga dalem tempo sabentaran sadja, bilang riboe soldadoe Pak Hoan soeda djadi korban dari kabinasa'an. Maitnja marika itoe terletak di sapoeter kota, dara mengalir di sana sini sebagi djoega anjoetnja aer di kali.
Tegesnja di itoe tempat telah mengasi satoe pemandangan jang ngeri sekali.
Tiada lama Tjio Hoaij Giok poen telah sampe di itoe tempat, ini ponggawa tiada bikin penjerangan, hanja sebagimana jang di pesen, ia prenta semoea tentaranja poengoetin moesoe poenja alat sendjata jang soeda terlempar di sakoeliling tempat.
Begitoelah dengen itoe tipoe aloes, Bong Loan soeda bisa moendoerken segala bahaja jang menjerang kota Gan Boen Koan, sedeng moesoe
