— 1480 —
lima atawa anem li djaoenja dari pasanggrahan dan di pesen, kaloe liat api pertanda'an menerdjang kaloear serta bantoe kawan-kawannja jang laen melabrak tentara moesoe.
Sedeng di fihaknja tentara negri ada di siapken aken mendjaga pada moesoe jang nanti dateng menjerang, tapi kita belon dapet taoe begimana ada terdjadi di fihaknja tentara Pak Hoan, maka di sini baeklah kita tjari taoe doeloe keada'an marika itoe.
Sebagimana di atas telah di toelis, angkatan prang Pak Hoan ada di kepalaken oleh Prins Ya Loet Sioe San, dan ini poetra dari Pak An Ong jang telah kasi pikiran aken koeroeng kota Gan Boen Koan sampe begitoe roepa.
Pada itoe hari, selagi itoe kapala prang doedoek preksa bebrapa laporan jang ia dapet trima dari hal oeroesan prang, koenjoeng-koenjoeng pengawalnja membri taoe, di loear pasanggrahan ada bebrapa panglima dan soldadoe jang soeda lari poelang dari kota Gan Boen Koan dengen dapet karoesakan besar, hingga warta ini soeda bikin Ya Loet Sioe San djadi terkedjoet sekali.
Sigra itoe orang-orang di silaken masoek ka dalem.
Dari itoe bebrapa orang ia dapet ketrangan, begimana moesoe telah dapet bantoean dari kota radja; begimana marika itoe soeda mengatoer tipoe gaib
Ko Teng Tjan
94
