— 1485 —
lantas hendak mengedjer, tapi kahendak itoe lantas di tjega oleh Ya Loet Sioe San jang berkata: „Moesoe jang soeda lari djangan di kedjer, marilah kita orang madjoe lebi djaoe!“
Tapi berdjalan tiada brapa djaoe, kombali kadengeran swara tetaboean prang jang di poekoel begitoe rioe, dan berbareng dengen itoe dari kiri kanan kaloear doea pasoekan balatentara, sedeng dari terangnja api obor ada kliatan satoe bendera besar, di mana ada tertoelis: „Peng Pak Taij Goanswe“
Bong Loan kasi oendjoek ia poenja Le Hoa Tjhio di hadepan moesoe sebagi melaekat.—
Dengen daja oepaja jang sampoerna moesoe dapet di bikin taloek.
Meliat begitoe Ya Loet Sioe San djadi sanget heran. Ia sigra madjoeken koedanja ka depan seraja memandang ka fihaknja moesoe, di mana ia dapet liat satoe panglima moeda jang berpakean serba poeti mengandang di tenga djalan.
„Bangsat jang terkoetoek!“ treak itoe Prins dengen sanget moerka. „Angkau soeda pegat kombali kita orang poenja perdjalanan, apatah maksoedmoe? Akoe ingin soepaja angkau tinggal
