— 1496 —
Baroe lima djoeroesan Bong Loan berlari lagi. Ia treakin tentaranja dan berkata: „Awas sedikit! Itoe panglima moesoe ada sanget gaga! Akoe tiada sanggoep meladenin padanja!“
Itoe perkata'an Prins pertjaja dengen sasoenggoenja, maka ia laloe mengedjer lebi keras lagi.
Bong Loan sengadja lariken koedanja sedikit pelahan, hingga sebentaran sadja Ya Loet Sioe San soeda dapet soesoel padanja.
„Song Tjiang!“ kata Ya Loet Sioe San, “ini sekali kau tentoe bakal djadi akoe poenja orang tawanan. . . .”
Beloen abis ia berkata; Bong Loan soeda biloekin koedanja dan berkata: „Awas! Akoe poenja toembak aken menggaet kau poenja leher!“
Dengen kaget Ya Loet Sioe San angkat goloknja aken mendjaga itoe serangan, tapi koenjoeng-koenjoeng ia poenja koeda berdjingkrak dengen keras, lempar penoenggangnja sampe djato kanjoeknjoek.
Bong Loan telah lepasken satoe pana djaroem jang dengen djitoe telah menggenaken itoe koeda, jang lantaran kesakitan telah djadi kaget dan berlompat.
Bong Loan taoe Ya Loet Sioe San itoe ada sanget gaga, maka koetika itoe panglima prang djato dari atas koedanja ia tiada brani lantas menoebroek, hanja lebih doeloe poekoel ia poenja
Ko Teng Tjan
95
