— 1500 —
lantas menaloek pada moesoe! Kau liat, akoe soeda dibikin begini roepa, maka sabisa-bisa kau haroes bikin pembalesan atas akoe poenja sakit hati!"
Njatalah itoe Prins ada dipandang tinggi oleh sekalian panglimanja, kerna koetika kata begitoe, Ang Kokkioe dan laen-laen panglimanja kasi liat antjeman aken menjerang.
Bong Loan tjoba bikin dingin hatinja marika itoe dan kata lagi: Boeat landjoetken ini peprangan, kendati poen sampe begimana lama djoega akoe sanggoep ladenin; terlebi lagi kau poenja keada'an ini waktoe soeda begitoe lema, hingga dalem sedikit waktoe sadja akoe bisa bikin loedes kau poenja pasoekan seanteronja. Tap jang bikin hendak brentiken ini peprangan, kerna menginget korban jang soeda kliatan boekan ketjil djoemblanja."
,,Tiada, kita orang tiada nanti maoe mengarti pada sablonnja bisa moesnaken antero pasoekan Song jang dateng di sini!" berseroe Ang Kokkioe, Berbareng dengen itoe perkata'an dari fihak marika itoe kloear satoe panglima jang bersendjata kampak, jang lantas menerdjang pada Bong Loan.
Ka doea orang itoe sama gaganja; satoe maoe membela toeannja dan jang laen maoe membela ajahnja. Toembaknja Bong Loan boleh di oe--
