— 1501 —
pamaken sebagi titiran jang katioep angin kentjeng, hingga terpoeter begitoe keras sampe tiada
kliatan, kampaknja moesoe ada sebagi binatang
boeas jang hendak menerkem korbannja. Tapi
sebegitoe djaoe itoe sendjata-sendjata tiada bisa
masoek, kerna saban-saban kena terpoekoel moendoer.
Lima poeloe djoeroesan soeda berlaloe, tapi belon kliatan siapa jang menang dan siapa jang kala.
Bong Loan merasa ia tiada boleh lawan tandingannja dengen zonder menggoenaken laen atoeran, maka diam-diam ia kloearken pana djaroemnja, sendjata mana telah mengenaken moesoe poenja bahoe tangan sebla kiri.
Orang jang kena di bikin loeka dengen itoe sendjata lantas bertreak dan moendoer bebrapa tindak, Bong Loan goenaken itoe koetika jang baek laloe menoesoek.
Datengnja itoe sendjata begitoe sebet, satoe toesoekan dalem telah mengenaken peroetnja itoe panglima Hoan Kok dengen tiada dapet di djaga lagi.
Orang itoe lantas roeboe dari atas koedanja.
Di sitoe Bong Loan kliatan djadi ilang sabarnja. Begitoe liat moesoenja djato, ia lantas menerdjang pada Niauw Lim Hie, satoe pertempoeran heibat terdjadi lagi di itoe tempat.
