— 1134 —
„He, kenapa kau begitoe koerang adjar!" treak itoe toekang grobak sasoeda bangoen dan kliatan mara sekali. „Liat itoe akoe poenja barang semoea petja, kaloe kau tiada tjepet ganti toedjoe ratoes tail perak tentoe kau djadi oempannja akoe poenja sendjata!"
Moelai dari sitoe ini doea orang lantas riboet moeloet semingkin lama djadi semingkin seroe dan kliatan aken berachir dengen perklaian jang seroe. Tapi seblonnja kedjadian sampe begitoe djaoe, mendadak dari djoeroesan kaler ada mendatengin satoe orang doedoek koeda jang dilariken kentjeng sekali; sabentar poela itoe orang soeda dateng deket.
Itoe koeda boeloe item, jang ditoenggang oleh itoe orang, seeda bikin Boen Pa jang meliat hatinja djadi berdebar keras, sampe ia treakin itoe orang dan minta brenti sabentaran. Koetika ini orang dateng menghamperi, itoe koeda liat Boen Pa lantas angkat ampat kakinja berlompat- lompat, sedeng moeloetnja tiada maoe diam ber-benger sadja.
„ Dengen maksoed apa kau brentiken akoe di sini?" menanja itoe orang sembari meliat ka satoe fihak, di mana itoe toekang grobak lagi berdiri dengen moeka bersengoet, dan liat djoega itoe perabot tana jang berarakan di sakiternja.
„Akoe tiada perloe apa-apa, tjoema maoe tanja
