— 1504 —
mana selaennja Bong Loan dan Tjio Tjong Tien,
sekalian panglima prang dan soldadoe djoega
toeroet bermakan minoem dengen segala soeka
hati.
Soenggoe moesti dibilang, itoe peprangan di boekit Siang Kho Nia ada sanget latjoer boeat fihaknja panglima Hoan Kok, kerna di sitoe sadja ia orang telah kailangan bebrapa riboe soldadoe dan panglima prang, hingga keada'an marika itoe moelai djadi lema.
Poet Hoa Sinsiang jang oleh Ya Loet Sioe San telah diprenta balik poela ka pasanggrahan besar aken djaga itoe tempat dari serangannja moesoe, dengen tiada sabar ada menanti kabar begimana kasoeda'annja itoe perklaian. Djoega ini ferdana mantri ada merasa sanget kwatir dengen satoe pasoekan moesoe jang di kapalakan oleh Sianhong Tjie Hoaij Giok telah bertempat di sepandjang pesisir dari Soengei Hek Ho, ia sama sekali tiada mendapet taoe, apa maksoednja marika berkoempoel di itoe tempat.
Tapi ia selaloe mengintjer dan pasang mata atas gerakannja marika itoe. Djoega ia ada lepas berapa mata-mata aken tjari taoe keada'annja marika itoe.
Pada satoe hari, selagi itoe ferdana-mantri mengatoer prenta apa-apa di dalem pasanggrahannja, koenjoeng-koenjoeng ia dapet denger swara
