— 1506 —
„Kabar djelek?" menanja itoe ferdana-mantri
dengen sanget kaget. „Apa? Apa Prins dapet
tjilaka di tangannja moesoe?"
Ang Kokkioe memanggoet.
Poet Hoa Sinsiang pandang moekanja Ang
Kokkioe, sedeng moekanja soeda djadi sanget
poetjet.
„Sasoenggoenja ini ada satoe kabar djelek, dan laen dari itoe aken berachir satoe bahaja besar boeat kita orang."
Ang Kokkioe tiada menjaoet, tapi lantas mengela napas pandjang.
Kamodian ia lantas kasi taoe, begimana moesoe soeda atoer tipoe jang gaib, begimana ia-orang soeda kena di djebak dan sampe Prins kena di tangkep. Lebi djaoe itoe Kokkioe kasi taoe, selaennja begitoe, djoega ia-orang seeda keilangan bebrapa riboe soldadoe dalem peprangan di boekit Siang Kho Nia.
„Sebagimana waktoe maoe brangkat akoe telah bilang, dalem ini oeroesan djangan sekali keboeroe napsoe, hingga achirnja kita orang menampak ini bahaja besar," kata Poet Hoa Sinsiang sambil mengela napas. „Tjoba kaloe itoe waktoe Taij Tjoe maoe denger akoe poenja nasehat, nistjaja dirinja tiada mendapet katjilakaän besar."
„Sinsiang taoe sendiri, adatnja Taij Tjoe terlaloe berangasan, dalem segala perkara selaloe
