— 1514 —
semoea tempat, dan sampe di depan satoe pasanggrahan besar, di mana ada tertoelis bebrapa hoeroef: Song Tiauw Taij Goanswe."
Bebrapa pendjaga lantas menghamperi pada itoe ampat orang jang doea antaranja ia kenal, jaitoe panglima jang bekerdja di bawa prentanja Tjio Hoaij Giok.
Itoe doea orang kasi taoe, itoe doea panglima asing minta bertemoe pada Goanswe.
Bong Loan kabetoelan lagi doedoek bermoefaketan sama sekalian panglimanja aken membitjaraken boeat menjerang pada moesoe, dalem hal mana telah di ambil poetoesan, tiada lama lagi aken di madjoeken barisan besar aken menjerang kotanja moesoe.
Koenjoeng-koenjoeng pengawal pintoe mengasi taoe bahoea di loear ada panglimanja Tjio Hoaij Giok, jang mengadjak doea panglima Hoan Kok. minta bertemoe padanja.
Mendenger itoe laporan Bong Loan merasa sanget heran, tapi sebab memikir boleh djadi kedatengannja itoe doea orang berhoeboeng dengen oeroesan perdamian, maka ia prenta silaken masoek ka dalem.
Dengen berloetoet Poet Hoa Sinsiang dan Ang Kokkioe mengadep di hadepan itoe kapala prang prempoean.
„Hoan Koan," kata Bong Loan pada itoe doea
