— 1535 —
„Oh, tentoe sekali!“ kata Pak An Ong.
Satelah hal itoe djadi tetep, Pak An Ong lantas panggil Ang Kokkioe dan Poet Hoa Sinsiang, tempo itoe doea pembesar dateng mengadep ia berkata: „Angkau berdoea pergi anter Kiongtjoe ka pasanggrahannja Goanswe, tapi angkau djangan tjampoer bitjara apa-apa, katjoeali kaloe di tanja, kerna oeroesan itoe semoea ada bergantoeng dengen Kiongtjoe saorang.“
Itoe doea orang bilang baek.
Kamodian dengen di iringken oleh bebrapa panglima teritoeng djoega Ang Kokkioe dan Poet Hoa Sinsiang, dengen doedoek djoli itoe Kiong tjoe palsoe berlaloe dari pasanggrahannja Pak An Ong menoedjoe ka kota Gan Boen Koan.
Koetika sampe di sana, djoestroe Bong Loan lagi repot mengoeroes soerat-soerat boeat di kirim ka kota radja, berhoeboeng dengen bebrapa kamenangan dalem itoe peprangan. Koenjoeng-koenjoeng pengawal kota membri taoe, Poet Hoa Sinsiang dan Ang Kokkioe, dengen mengiringken poetranja Pak An Ong minta bertemoe padanja.
Mendenger begitoe Bong Loan djadi sanget heran apa perloenja Pak An Ong kirim ia poenja poetri, tapi sebab ingin taoe hal itoe, ia lantas prenta marika itoe masoek ka dalem kota.
Pertama poet Hoa dan Ang Kokkioe di panggil mengadep. Pakeannja ini pembesar boekan
