— 1537 —
Goanswe nanti soeka trima sebagi gantinja Prins-Ya Loet Sioe San. Kita orang poenja radja ingin, soepaja antara Goanswe dan ia bisa teriket tali pertjinta'an sebagi familie, dan harep djoega hal itoe bisa di hoeboengken dengen karoekoenan antara ka doea negri.“
„Akoe moesti poedji sasoenggoenja kau poenja radja sanget baek dan berhati moera,“ kata
Bong Loan sambil tertawa. Tjoema menjesel lebi doeloe dari itoe akoe soeda trima laen gadis poenja perdjandjian, maka begimana sekarang akoe bisa trima itoe perminta'an dari kau poenja radja.“
„Tapi akoe rasa Goanswe nanti merasa girang, bila soeda taoe betoel keada'annja itoe gadis,“ kata Ang Kokkioe.
„Kenapa begitoe Bong Loan menanja.
—„Menoeroet katanja akoe poenja radja, poetranja ada mengandoeng perkara resia, teroetama itoe semoea ada mengenaken atas Goanswe poe- nja diri.“
—„Ah. . . . . . . . . .“
—„Soenggoe ada begitoe!“
—„Akoe sama sekali tiada ada poenja perhoeboengan apa-apa sama orang-orang disini, apa lagi gadis-gadis dari familie radja, maka tjara begimana maoe dibilang akoe ada oeroesan resia.“
