— 1540 —
brangkali ia soeda iket lagi laen pertoendangan ! Tapi baeklah akoe preksa itoe Bang Siotjia, serta tjarit taoe ia-poenja keada'an."
Sasoedanja kata begitoe, Bang Loan masoek itoe ka dalem sakoenja. la berpaling pada itoe doea pembesar bangsa asing-seraja berkata: „Lagi sekali akoe moesti poedji, sasoenggoenja Pak An Ong ada satoe radja jang berhali moerah, bisa hargaken kapentingannja rahajat. la poenja maksoed jang begitoe moelia dan baek, kaloe akoe tiada trima tentoelah aken menerbitken tjela'an atas dirikoe.”
Mendenger begitoe Poet Hoa dan Ang Kokkioe djadi sanget girang, ka doea orang itoe lantas bangoen dari tempat doedoeknja dan berloetoet seraja membilang trima kasi.
„Goanswe poenja perminta’an ini, soeda tentoe aken menggirangken hatinja kita orang poenja radja,” kata Poet Hoa.
„Sekarang akoe minta preksa itoe Kiongtjoe, apatah gadis itoe nanti membikin akoe bisa penoedjoe atawa tiada?”
„Boeat di bitjaraken kaeilokannja akoe bilang teroes terang, boeat di ini negri brangkali tiada nanti ada kadoeanja,” kata Ang Kokkioe dengen perkata'an memoedji. „Roepanja Kiongtjoe ada begitoe tjantik; djangan poela orang-orang jang biasa, biarpoen orang pertapa'an, kaloe liat pa-
