— 1551 —
kami djadi merasa kwatir, bahoea itoe oeroesan tiada nantu kedjadian sebagimana jang di harep."
Sekarang kita balik meliat apa jang telah kedjadian di kota Gan Boen Koan.
Dengen di iringkan ileh bebrapa panglima prang, In Liong di anter ke dalem pasanggrahannja Bong Loan, di mana lebi dari siang itoe kapala prang telah bikin persedian aken menjamboet.
Sasoedanja djalanken peradatan satoe sama laen,Tjio Tjong Tin, Tjio Hoaij Giok, Ouw-jan Peng dan sekalian panglimanja, satoe persatoe telah hoendjoek selamat.
Kamodian itoe Kiongtjoe palsoe dianter ka dalem satoe gedong, roema jang mana doeloe perna di tinggalken oleh Ko Kong.
Pada malemnja telah di boeka pesta besar, di mana sekalian panglima doedoek bersantap dengen segala soeka hati.
Di hadepken oleh sekalian panglimanja Bong Loan ada kaliatan girang sekali.
Perdjamoean itoe di teroesken sampe djaoe malam, di mana semoea orang lantas boebaran.
Quw-jan Peng dan satoeroenja lantas poelang ka tempatnja sendiri-diri, di antaranja ini bebrapa panglima telah terbit pembitjaraan jang mengoendjoe tjela-tjelahan atas dirinja ia poenja kapala prang.
