— 1139 —
lamanja dengen tiada ketaoean jang mana nanti menjera sendirinja, oleh kerna baek jang dikeroeboetin apalagi jang mengeroeboetin ka doea fihak masi sama tegoenja, adalah itoe waktoe dari kedjaoean kadengeran orang bertreak beroelang-oelang minta itoe pertandingan dibrentiken, hingga maoe tiada maoe jang lagi bertaroeng kepaksa toenda doeloe sabentaran.
Tiada lama satoe anak moeda oesianja kira-kira ampat atawa lima blas taon soeda sampe di itoe tempat pertandingan, ia toeroen dari atas toenggangannja dan memandang marika dengen tersenjoem-senjoem. Pamoeda ini parasnja tjakep sekali, laen dari itoe aer moekanja manis, hingga bikin Tjo Kongtjoe timboel pengrasa'an soeka.
Orang moeda jang baroe sampe poen boekan laen, jalah Sian Sioe Eng Siauw-ija alawa Ko Song In Kongtjoe.
Selang brapa hari seabisnja membli koeda, pada satoe hari Poei Kauwsoe telah permisi poelang, lantaran kasehatannja telah terganggoe dan tiada bisa membri peladjaran sablonnja djadi semboe kombali. Berhoeboeng dengen ini, Sian Wan-gwe jang tiada maoe bikin peladjarannja Song In djadi katoenda telah oendang laen goerое silat, sebagi wakilnja Poei Kauwsoe.
Kauwsoe jang baroe ini orang dari Thian Tjin
