— 1554 —
orang tjari pada Siotjia, gampang akoe lantas oendjoek di mana adanja!”
„Monjet! Siapa soeda adjar omong begitoe?“ menjentak Bong Loan sambil delikin matanja.
„Toch lebi dari pantes kaloe akoe perloe mendapet taoe Siotjia maoe kemana? Siapa taoe kaloe mendadak ada moesoe dateng menjerang ka sini, Siotjia tiada ada, ka mana akoe moesti pergi tjari?’’
Tjeng Bwe memang pande mengotjok orang, hingga achir-achir Bong Loan kateter djoega.
„Baek, akoe kasi taoe padamoe,” begitoe ini gadis berkata, „akoe maoe pergi ketemoeken itoe Kiongtjoe dari Pak Hoan......”
„Njatalah bener sebagimana jang akoe doega!“
„Apa?“
„Tiada“
„Kaoe djangan tjoba menggoda le9bi lama lagi monjet!” menjentak poela Bong Loan, jang dengen itoe perkata’an lantas berbangkit dan berkata lagi: „Trimalah ini akoe poenja pedang, dengen apa kau boleh mewakilken akoe poenja seantero pakerdja’an.”
Tjeng Bwe trima itoe sendjata tapi sambil berkata: „Nanti doeloe, Siotjia; akoe maoe tanja, Siotjia ketemoeken itoe poetri maoe bikin apa?“
„ltoelah kau djangan tanja,” kata Bong Loan,
