— 1569 —
lamanja, Tjeng Bwe lantas membri hormat dan
teroes berlaloe dari itoe kamar, dengen pikiran
jang ia sendiri tiada dapet taoe begimana kasoeda'annja.
Koetika sampe di pasanggrahan ia dapetken Bong Loan soeda tidoer dengen njenjak, maka ia tiada brani bangoenken, maskipoen hatinja sanget ingin berboeat begitoe, kerna ia maoe lantas kabarken itoe perkara girang pada nonanja.
la poen sigra benaken tempat tidoernja, dan tiada lama poela ini boedak djoega telah tidoer poeles dengen senang hati.
Bong Loan sasoedanja dapet
soerat taloekan Pak An Ong
poelang ka kota radja.
-Keadaän jang koesoet soeda menerbitken
kasedian hati.
Esoknja, lebi doeloe dari jang laen-laen Bong Loan soeda bangoen, hatinja itoe gadis pada koetika itoe ada mendapet satoe pengrasahan sedap, dan ia sendiri tiada bisa artiken apa maksoednja. la sama sekali tiada mendoega, kenapa itoe kedjadian begitoe kabetoelan. Djoega kedjadian itoe ia merasa sanget adjaib dan loetjoe, jang saoemoer ia baroe perna mengalamken.
Samentara itoe dengen koetjek koetjek mata
