— 1573 —
kota Gan Boen Koan di oendang doedoek bersantap
,,Sekarang kita orang ka doea fihak soeda djadi berdami kombali, maka segala oeroesan jang soeda-soeda djanganlah boeat dendem di dalem hati," kata itoe radja asing pada Tjio Tjong Tien., Kami menjesel Goanswe tiada dateng kemari, pada siapa sabenernja kami moesti menjataken kami poenja rasa soekoer, jang ia soeda trima baek akoe poenja kahendak."
„Sebab ia sedeng repot mengoeroes ini dan itoe, inilah jang menjebabken Goanswe tiada bisa dateng dan oetoes hamba dateng ka sini," kata Tjio Tjong Tien, dan lagi hamba harep soekalah kiranja Baginda lantas toelis itoe soerat penaloekan, soepaja hamba bisa lantas mengabarken kasoedahannja ini prentahan."
Pak An Ong bilang baek. Begitoelah berdjamoe slese, itoe radja asing sendiri laloe menoelis satoe soerat taloek, jang selaennja di teekend olehnja djoega ada di tjap dengen tjap keradjaän Hoankok. Berikoet itoe soerat, djoega ada di kirim berapa riboe tail mas sebagi pembajaran oewang oepeti, dan banjak permata jang moelia sebagi barang bingkisan boeat di hatoerken pada Baginda Sin Tjong.
Dengen itoe semoea Tjio Tjong Tien lantas poelang kombali, di mana itoe soerat taloek, oe-
