— 1574 —
wang dan barang-barang bingkisan di seraken
pada Bong Loan.
Begitoe djoega Bong Loan tiada boeang temponja lebi lama lagi, esoknja ia atoer barisannja di loear kota. Beng Jang dan Tjiauw Eng mengapalaken kiri dan kanan, sementara The Tok dan Oyw-jan Peng mengapalaken barisan blakang.
In Liong Kongtjoe di moeat pada satoe kandaran, Ang Kok In di masoekin ka dalem kerangken persakitan. Koetika semoea soeda djadi slese, sasoedanja djoega mengasi slamet tinggal pada Tjio Tjong Tien dan laen-laen pembesar di itoe kota, Bong Loan lantas. prenta pasang meriam dan teroes brangkat dari Gan Boen Koan menoedjoe ka kota Tong Keng (Tang-khia).
Ini angkatan prang jang beroleh kamenangan kaliatan goembira sekali, teroetama itoe sekalian panglima, jang ada harepan aken dapet trima pangkat, berhoeboeng dengen ia orang poenja djasa di dalem peprangan.
Tatkala itoe jalah ada di awalnja moesin Tjoen, hawa oedara sanget sedjoek, bikin marika itoe berdjalan senang sekali.
Daon-daon poehoe dan roempoet-roempoet ada kaliatan idjo seperti aer laoetan. Tjabang-tjabang poehoen jang besar dan ketjil katioep angin jang pergi dateng, sabagi djoega membri hormat pada itoe orang-orang gaga jang soeda berasil di medan peprangan.
