— 1575 —
Di waktoe siang ia-orang berdjalan, bila matahari soeda moelai sore lantas diriken koeboe-koeboe boeat bermalem, besoknja di waktoe pag
marika telah brangkat poela.
Pada kota-kota di mana itoe angkatan prang liwat, pembesar negri telah kaloear menjamboet dengen kahormatan besar.
Lebi doeloe Bong Loan telah ambil poetoesan, sebelon poelang ka kota radja ia maoe mengoendjoengken doeloe roema dan pakoeboerannja ia poenja laloehoer, koetika sampe di satoe tempat itoe angkatan prang toekar laen djalan jang melintas ka kota Gie Jang.
Begitoelah sasoedanja berdjalan kira-kira satoe boelan lebi lamanja telah sampe di Gie Jang ka Kouw Koen Sia, di mana Bong Loan lantas diriken pasanggrahan.
Tek Lo Ya, pembesar di itoe kota, jang lebi doeloe soeda trima kabar, pada itoe waktoe bersama sekalian pembesar jang bekerdja di bawa prentanja telah kloear menjamboet, serta silaken itoe kapala prang masoek ka dalem kota.
Bong Loan trima itoe oendangan, tapi ia sadja bersama Tjeng Bwe dan doea pengikoet, sedeng panglima jang laen-laen menoenggoe di loear kota dalem pasanggrahannja.
In Liong djoega dianter masoek ka dalem kota, tjoema sadja ia dipisaken sama orang banjak,
