— 1142 —
moefaketnja. Song In sigra kloearken doea poeloe tail perak, kasiken pada itoe toekang grobak hingga ia ini djadi sanget girang. Barang barangnja tjoema berharga limablas tail perak, tapi oleh Song In soeda di ganti lebi lima tail dari itoe harga.
Berselang tiada brapa lama itoe tiga orang telah sampe di roema Sian Wan-gwe Song In sigra adjak ia orang masoek ka dalem. di mana sabentar lagi barang perdjamoean soeda disediaken, dan ini tiga orang lantas bersantap sembari beromong Tjo Kongtjoe rasa pada itoe doea orang tiada perloe ia semboeniken resianja, maka tempo Ouw-jan Peng menanja sebab apa berglandangan di laen tempat, satoe persatoe ia bri taoe pada itoe doea orang.
Ouw-jan Peng dan Song In berdoea mengela napas tempo denger penoetoerannja Boen Pa jang tiada haroes dibilang bagoes. Kamoedian sasoeda minoem lagi sabentaran, Ouw-jan Peng berbangkit kari tempat doedoeknja dan berpamitan aken berlaloe.
,,Sabenernja akoe ingin doedoek lebi lama dan makan minoem sampe merasa poeas. tetapi lantaran hari soeda begini sore dan lagi maoe perloe tengok iboekoe jang lagi sakit, maka dengen menjesel akoe moesti berpisaän pada Dji-wie Hiante." begitoe ia kata: ,,Akoe liat Tjo Hiante
