— 1585 —
„Djadi apatah brangkali orang di dalem ini roema soeda binasa kena karendem aer?“ menanja Bong Loan dengen merasa sanget kwatir.
Sigra ia toeroen dari atas koedanja, ia berdiri di antara toempoek- toempoekan batoe-bata jang ada di sitoe. la dapet rasa, tempat itoe dingin sekali, Koenjoeng-koenjoeng Bong Loan menangis.
„Eh, eh,“ kata Tjeng Bwe sambil toetoep moeloetnja dengen telapakan tangan, perboeatan mana sebagi djoega ia mengasi tanda, aken Slotjianja djangan berboeat begitoe.
„Apa kau tiada dapet pengrasahan apa-apa meliat ini keada’an jang menjediken Tjeng?“ menanja itoe gadis dengen swara pelahan. „Akoe rasanja tiada tahan kaloe tiada. . . . . . .
„Djagan poela akoe, siapa djoega tentoe nanti djadi sedi,“ saoet Tjeng Bwe, tapi ini waktoe boekan temponja boeat kita menjataken apa-apa."
Bong Loan mengela napas.
Koenjoeng-koenjoeng Tjeng Bwe menoendjoek ka satoe djoeroesan seraja berkata: „Toe’pa di deket bio ada berkoempoel banjak anak angon, tjoba akoe pergi menanja pada marika itoe tentoe kita aken dapet ketrangan apa-apa jang di ingin.“
Sedeng kata begitog Tjeng Bwe lantas lariken koedanja ka itoe djoeroesan, selang sedikit lama kamodian ia telah balik kombali.
