— 1591 —
girang sekali, ia oetjapken trima kasi seraja berkata: „Njatalah tiada kliroe sebagimana akoe
poenja pengliatan."
Ja, hajo lekas tjeritaken," maminta Bong Loan, ,,bila bener dirimoe soeda di perboeat koerang pantes akoe ada bersedia aken kasi pertoeloengan jang perloe.
Kombali itoe njonja bilang trima kasi dan berkata: „Akoe ini pendoedoek kampoeng di Ho Hap Po, swamikoe bernama Bauw Hian, akoe berdoea bekerdja dalem satoe roema, ja-itoe roemanja Bauw Wang-we. Akoe sendiri di panggil Tjhia Si. Bauw Wan-gwe ada poenja anak prempoean jan gtelah menika sama Hok Siangkong satoe anak moeda jang soeda dapet gelaran Sioe Tjaij."
Orang prampoean itoe bener Tjhia Si, jang pembatja tentoe soeda kenal namanja.
Bong Loan dan Tjeng Bwe koetika di seboet namanja Hok Siangkong djadi kaget, itoe doea orang saling meliatin seperti hendak berkata apa-apa, tapi sebab kwatir resianja terboeka, apa boleh boeat ia orang berdiam sadja, dan dengerin lebi djaoe itoe njonja poenja tjerita.
,,Kawinan itoe doea orang bermoela ada membawa beroentoeng, tapi apa maoe kamodian telah djadi beroba begitoe djelek sampe kedjadian hal-hal jang koerang bagoes," begitoe Tjhia Si ber-
