— 1143 —
poenja kepandean ilmoe silat ada lebi tinggi dari akoe, maka dengen satoeloes hati akoe poedjiken pada Hiante dan tahan ia di sini boeatmembri perladjaran."
,, Akoe poen djoestroe ada pikir begitoe," saoet Song In jang laloe menanja pada Boen Pa, apa ia ini bisa satoedjoe atawa tiada kaloe diadjak tinggal diroemanja.
Pamoeda kita trima baek itoe perminta'an, hingga bikin Song In dan Ouw-jan Peng merasa girang. Lebi doeloe Boen Pa telah pikir dan hatinja ada lebi banjak mengasi boeat trima itoe perminta'an. la poenja perbekelan soeda moelai singget, sedeng boeat tjari pada In Liong berhoeboeng dengen wafatnja Haij Kong blon tentoe dengen sabentaran bisa bertemoe. Itoe sebab ia telah ambil poetoesan seperti di atas, di mana pelahan-pelahan ia boleh serepin halnja itoe temen.
Itoe tempo Song In lantas prenta boedjangnja selaken laen koeda boeat Ouw-jan Peng, dan itoe koeda boeloe item dipeelangi pada Tjo Kongtjoe. kamoedian ini doea orang moeda anterin brangkatnja itoe goeroe silat sampe djaoe djoega baroe balik kombali.
Di sini kita soeda oendjoek satoe tempat baek boeat Tjo Kongtjoe. di mana setiap hari ini orang moeda adjarken ilmoe silat pada Song In,
