— 1594 —
Si. ,,Djikaloe itoe waktoe tiada kapingin boeang hadjat, tentoelah itoe perkara tinggal gelap, dan akoe poen tentoe tiada bisa dapet melariken diri. Itoe malem begiloe kabetoelan akoe soeda kaloear, akoe denger itoe doea menoesia kedji poenja pembitjara'an, akoe denger djoega ratapannja swamikoe jang terkeniaja, hingga di sa'at itoe akoe djadi lemes, djato di sitoe 'djoega, tjoba kaloe itoe waktoe akoe bisa djalan, tentoelah akoe menoeloeng sebagimana moesti, biarpoen djiwakoe bakal djadi binasa. Tapi begitoe poen beroentoeng djoega, kerna akoe soeda bisa melariken diri, kaloe tiada, itoe perkara boesoek tentoe tinggal gelap, kerna tiada saorang jang mendapet taoe."
—,,Tapi apa kau brani tetepken dengen soempa, bahoea kau poenja ketrangan ini tiada menjelip kadjoesta'an, atawa karang omong. omongan jang sabenernja tiada terdjadi?"
—,,Demi Allah, apa jang akoe toetoerken baroesan semoea bener soeda kedjadian! Djikaloe Goanswe masi tiada pertjaja, akoe bisa adaken satoe saksi, jang djoega taoe doedoeknja itoe oeroesan."
,,Tadi kau bilang itoe perkara tjoema angkau dan swami kau sadja jang taoe, kenapa sekarang kau madjoeken laen orang? Djadi tegesnja itoe perkara boekan kau berdoea sadja, hanja orang Jaen poen taoe."
