— 1596 —
djadi perselisihan antara itoe mantoe dan mertoea; begimana Bauw Dji Hoa soeda menghinaken pada Soen Nio, dan laen-laen hal poela jang kita rasa tiada perloe di oelangin kombali di sini.
,,Kau bilang Hok Tjoen bli satoe prempoean di Kang Lam bernama Lian Eng, apa kau taoe prempoean itoe orang dari begimana?"
,,Akoe taoe djoega prihal itoe nona sedikit, baeklah akoe bri taoe tentang keada'annja orang itoe," kata Tjhia Si. Yoe Si dapet di beli dalem satoe roema plesiran di Djin Ho, jang mana namanja memang sanget terkenal di sana, lantaran ia ada saorang prempoean jang mempoenjai paras tjantik, serta mengarti djoega přihal soerat manjoerat. Maskipoen ia tinggal dalem roema plesiran, tapi ia selaloe mengerem di dalem, ia tiada soeka trima tetamoe, tegesnja ia tiada maoe dirinja di bikin ilang kahormatannja tjara begitoe boesoek."
,,Tapi begimana ia soeda djato di dalem tangannja Hok Siangkong?"
,,Sebab dirinja soeda di tipoe oleh Ong Ma, jang mendjadi ia poenja iboe poengoet.
Bong Loan memanggoet lagi, dalem hatinja lantas mendoega, Joe Si jang terseboet itoe, tentoe djoega ada gadis jang soeda iket tali pertoendangan sama Kou Kongtjoe.
Kamodian Bong Loan menanja: „Hok Hoedjin jang tinggal di sini sekarang ada di mana?"
