— 1609 —
poenja swami jang sedjati, djoega soeda poekoel Bauw Hian sampe djadi mati!"
"Siapa bilang?" saoet itoe geladak dengen sanget kaget. „Itoelah akoe kirs ada toedoean jang edan!"
,,Tiada, akoe tiada berboeat itoe perkara jang ditoedoe," saoet Joe Kong sambil gojang kapala.
„Doedoeknja itoe perkara soeda djadi terang, akoe rasa tiada goena kau menjangkal lagi," kata Bong Loan, di sini ada Tjhia Li, istrinja itoe orang jang terboenoe."
Kombali itoe doea orang telah menjangkal atas itoe semoea penoedoean.
Bong Loan lantas panggil Tjhia Si dateng mengadep.
Bauw Si koetika liat itoe bekas boedjang djadi sanget kaget, tapi dengen mata jang menjataken bentjinja ia liat orang poenja moeka.
,,Koetika masi ada di roemamoe, itoelah memang akoe sanget takoet, begitoe takoet seperti djoega akoe pandang kau ini sebagi satoe binatang jang paling boeas!" kata Tjhia Si. ,,Tapi sasoedanja ada di sini, akoe ingin liat sampe di mana kau bisa oendjoek kau poenja kegalakan jang begitoe terkenal!"
Kamodian Tjhia Si menoedjoek pada satoe boedjang prempoean jang soeda dibawa djoega ka sitoe sembari bekata lagi: ,,Orang jang soeda
