— 1613 —
„Oh, itoe koeda, kenapa sama betoel dengen koedanja Ko Siotjia, jang ia katanja dapet persenan dari Liong Taij Koen!"
Dengen berbareng, istrinja Kang Taij Joe Si lantas menempo kaloear di mana bener kaliatan saorang lagi menoentoen satoe koeda bagoes jang roepanja maoe di lepasken di tegalan aken di kasi bergoeling.
„Itoe koeda betoel bagoes," kata iboenja Tjioe Goat, maski sabenernja ia sendiri tiada mengarti prihal itoe,,,tapi akoe rasa boekan Siotjiamoe jang poenja, kerna laen orang poen bisa dapetken binatang jang bagoes."
,,Kaloe toeroet akoe poenja pengliatan soeda tiada bisa sala lagi iboe," kata Tjoe Goat, jang akoe kenal betoel jaitoe ia poenja soeri, di mana ada tanda poeti !"
Koetika Tjioe Goat berkata semoea sitoe, menoedak kadengeran swara pintoe di ketok.
,,Masoek!" kata istri Kang Taij. Di sa'at itoe kaliatan doea orang prempoean masoek ka dalem, njonja' roema kenalin, bahoea sala satoe itoe doea njonja jalah Dji Hoedjin dari kantoor Tek Tikoean.
,,Apatah Joe Hoedjin ada di sini? begitoe Dji Hoedjin menanja sasoedanja marika itoe memberi hormat. Akoe dapet prenta Toa Naij-Naij oendang padanja aken dateng di gedong Lo Ya aken bersantap."
