— 1614 —
Joe Si denger begitoe djadi kaget dan tiada abis mengarti, kenapa njonjanja pembesar bahasaken dirinja dengen itoe seboetan. Bagitoe djoega istrinja Kang Taij dan Tjioe Goat boeat sakoetika lamanja tinggal meliatin padanja,
Begitoe poen Joe Si sigra berbangkit, ia menanja, apa sebabnja itoe njonja panggil ia dengen seboetan Hoedjin. Djoega ia oendjoek, bahoea dirinja ada itoe orang jang di seboet baroesan.
Itoe njonja lantas membri hormat dan kata;
,,Hoedjin ada toendangannja Peng Pak Taij Goanwe, pertoendangan mana di bikin dalem satoe roema kebon di Djin Ho Koan, dengen di tetepken sama angkin Giok Hiang Wan. Sekarang Hoedjin poenja toendangan soeda dapet kemenangan dan ada di ini kota, maka Lo Ya prenta akoe dateng ka mari dan oendang kau dalem satoe perdjamoean, serta boeat bertemoe djoega sama Goanswe."
Mendenger begitoe Joe Si djadi girang sekali, tapi sebagi orang maoe dapet kepastian jang bener ia laloe menanja: "Itoe Peng Pak Taij Goanswe siapa menanja?"
la orang dari Kanglam afdeeling Djin Ho, she Kou nama Tjan alias In Liong, atawa poetranja Kou Han Lim almarhoem," saoet jang ditanja.
Tiada oesa di bilang lagi, hal itoe tentoe sadja membikin girang hatinja itoe gadis, teroetama Heng Hoa. Djoega Tjioe Goat kaliatan toeroet bersoeka
