— 1617 —
,,Heran sekali!" kata Bong Loan dengen roepa kaget. Sebagi laki istri kita haroes berkoempoel dari idoep sampe mati, maka lantaran apa Nio Tjoe oetjapken perkata'an begitoe? Kasilah ketrangan, apa brangkali akoe ada mempoenjai kesala'an jang membikin Nio Tjoe djadi koerang senang?"
Kombali Joe Si angkat moekanja. la pandang moekanja Bong Loan dengen ati-ati, tapi biar poen begimana djoega ia tetepken pengliatannja, bahoea orang moeda itoe boekan ia poenja toendangan jang sedjati. la djadi bingoeng dan berdiam sadja.
,,Akoe tiada njana Niotjoe begitoe peloepa'an, kerna baroe berpisa'an belon sebrapa lama soeda djadi loepa dan tiada kenalken padakoe," kata Bong Loan. Apa jang terdjadi di dalem kembang sampe sekarang akoe masi inget; begimana akoe poenja soedara malem malem telah mengikoet Tjo Kongtjoe pergi ka kampoeng Lioe Hong Tjoan; begimana kamodian akoe soeda menjaroe prempoean brangkat djalan sama itoe orang moeda, dan begimana achirnja akoe soeda bisa dapet pangkat. Selama itoe akoe tiada bisa loepa pada Niotjoe sa-orang, maka akoe heran sekali sebaliknja kau tiada ada poenja pikiran begitoe."
Kombali Joe, Siotjia berdiam. la melirik pada Heng Hoa, ini boedak jang dari tadi berdiam
