— 1623 —
itoe orang moeda mengela napas, satoe tanda apa jang di tjeritaken ia poenja hati.
Sasoedanja beromong-omong sedikit lama, Joe Siotjia ikoet poela pada Tjeng Bwe pergi ketemoeken Bong Loan, di mana ia oendjoek hormatnja jang sedjati sama itoe madoe. Ini doea gadis lantas beromong-omong dalem berbagi-bagi hal, dan sampe djaoe malem baroelah masing-masing masoek tidoer.
Koetika sampe pada esok paginja, Bong Loan prenta rombak pasanggrahan, kamodian sasoedanja membri slamat tinggal sama Tek Lo Ya dan laen-laen pembesar di kota Gie Jang, bersama barisannja ia lantas brangkat poelang ka kota radja.
Tiada brapa hari kamodian, itoe angkatan prang soeda sampǝ di kota Tjap Liang. Itoe hari djoega Bong Loan pergi djoempa sama Baginda Sin Tjong di astananja, di mana kadatengan itoe di samboet dengen girang oleh Baginda dan laen-laen pembesar civiel dan [militaire. Teroetama Lu Kok Tjaij ada paling girang dari jang laen-laen pembesar, kerna dapet kenjataän mantoennja soeda broentoeng di dalem peprangan.
Ini dorna kaliatan djadi sanget angkoe, laen-laen kwan sedjabatnja mengarti perobahannja itoe dorna jang kedjadian dengen mendadak.
Dengen berloetoet dan oetjapken perkata'an Ban Swe Ban Ban Swe, Bong Loan seraken soerat
