— 1632 —
item dan badannja koeroes serta moekanja poetjet, satoe tanda selama itoe ia ada menanggoeng banjak kasoekeran hati.
Dengen tiada terasa lagi bebrapa ketes aermata melele di pipinja Baginda radja.
,,Ko Keng," kata Baginda dengen swara terharoe,,,brapa taon lamanja Keng menampak kasoekeran hati, itoelah di sebabken kami sendiri ampoenja kakliroean dan kagelapan, boeat mana kami poen sanget menjesel tiada tilik lagi doedoeknja itoe perkara jang bener. Tapi sekarang dengen girang kami bisa mengabarken, bahoea beroentoeng sekali Keng mempoenjai satoe anak prempoean jang begitoe gaga perkasa, jang dengen soenggoe hati soeda diriken pahala, jang perloenja tjoema boeat membela pada Keng saorang. Kau poenja anak, Ko Bong Loan, soeda beroentoeng dalem peprangan di oetara dan sekarang ada di sini. la itoe jang soeda menerangken berbagi-bagi perboeatannja Lu Kok Tjaij jang kedji, pembesar mana soeda binasaken dirinja di dalem pendjara. Boeat bikin girang Keng poenja hati, begitoe lekas kami nanti ketemoeken angkau, ajah dan anak, satoe sama laen. Lagi sekali kami oelangken bagi kami poenja kakliroean dalem itoe oeroesan, soekalah kiranja Keng tiada dendem di dalem hati."
„Oh, Baginda, Keizer jang adil," saoet Ko Kong
