— 1634 —
dari itoe Tjeng Bwe, Joe Siotjia, Heng Hoa ada di sitoe.
Tjeng Bwe dapet bertemoe poela sama Ko Kong. dan So Nio kagirangan marika itoe tiada perloe kita seboetken poela, samentara Joe Si da Heng Hoa satoe persatoe telah membri hormat.
Semoea orang rasaken itoe kedjadian ada sanget mengagoemken, teroetama Tjeng Bwe merasa paling heran dan boeat gegetoen, adalah Djim Sioe Tji jang gagoe djadi bisa bitjara.
Sekarang kita balik meliat pada Bong Loan, jang itoe waktoe ada di dalem astana lagi doedoek. beromong. omong sama Kok Bo Nio-nio dan brapa njonja bangsawan.
Atas itoe Iboe-soeri poenja pertanja'an bagimana ia soeda berlakoe dalem peprangan sama itoe bangsa asing, Bong Loan toetoerken satoe persatoe dengen terang, maka semoea orang jang mendenger telah menjataken sanget kagoem, kerna baroe dapetken ada satoe gadis jang begitoe bernjali besar, brani madjoe di medan prang tempat orang mengadoe djiwa.
Kamodian Kok Bo Nio-nio toelis satoe soerat poedjian, serta kasiken banjak barang persenan pada Bong Loan. Begitoe djoega Boen Koei Hoei dan laen-laen prempoean bangsawan di dalem kraton satoe persatoe hadiaken barang bingkisan boeat itoe gadis. Lebi djaoe sepasang kembang
