— 1647 —
orang jang ka doea, The Tok, di pakerdjaken sebagi pembesar dikota Tjoe Kat Shi menggantiken ka doedoekannja We Wan Ong Kioe Tjianswe, kerna itoe familie Keizer soeda taoe dan minta di lepas dari djabatan terseboet.
Tjio Hoaij Glok di prenta menggantiken ka doedoekan ajahnja sebagi Tjong Tien di kota Gan Boen Koan, samentara itoe ajah di lepasken dengen hormat dan dapet pension negri.
Beng Jang, Tjiauw Eng, Lo Hong Beng, Ong Poei, Ma Leng In dan brapa orang poela jang soeda bantoe dalem peprangan djoega telah di kasi pangkat jang baek dalem angkatan prang.
Sasoedanja namanja semoea orang rata di seboet dan masing-masing dapet pangkat jang pantes, achirnja dengen Baginda poenja perkata'an trima kasi dan slamat.
Semoea orang rata memanggoet tiga kali dengen berseroe; Ban Swe Ban Banswe. Marika itoe satoe persatoė telah sampeken perkata'an trima kasinja pada Baginda Keizer poenja boedi.
Baginda lantas silaken marika itoe berkoempoel dalem satoe roewangan pesta, katjoeali Tiong San Ong Ouw jan Peng dan Dji Lam Ong The Tok tiada toeroet dalem itoe perdjamoean, kerna salekasnja Baginda titaken marika itoe brangkat ka masing-masing tempat di mana ia orang telah di pakerdjaken.
Samentara itoe ada di toenggoe datengnja Wie Wan Ong Kioe Tjianswe dari kota Tjoe Kat Shia, sedeng di gedong Boe Leng Hoe, Lo-I Kong Jo Gre djoega repot atoer persedia'an aken menjam-
