— 1648 —
boet- datengnja Soen Thian Houw dari kota Tong Koan.
Sampenja Soen Thian Houw di kota radja telah di samboet dengen ka hormatan besar ambetenaar negri, teritoeng djoega familie Ko semoeanja, hingga pertemoean marika itoe telah mener- bitken pengrasahan sedi dan girang.
Yo Taij Nio, prenta ia poenja Dji Kongtjoe jang baroe beroesia kira-kira anem taon membri hormat pada Ko Kong, itoe orang bangsawan pelok tjoetjoenja tetesan aer-matanja. Song In, Bong Loan berganti-ganti membri slamet pada itoe sekalian familie Yo.
Kombali di sitoe sigra di boeka satoe pesta perdjamoean, di mana satoe dengen laen telah menjataken soeka hatinja.
Esok paginja Soen Thian Houw mengadep pada Baginda Keizer di astananja, di mana dengen berloetoet ia menghatoerken taoe tentang ia poenja berbagi-bagi pakerdja'an di kota Tong Koan, dan begimana sekarang pakerdjaan itoe dengen beres ia soeda seraken ka dalem tangannja Ouw jan Peng.
Lebi doeloe dari itoe memang Baginda soeja trima bebrapa laporan jang menjenangken hati atas pakerdja'annja Soen Tian Houw di kota Tong Koan, maka Baginda lantas anoegraken gelaran An Gak Kong padanja, sedeng poetranja jang soeloeng, Jo Beng Kie, dan jang boengsoe, Jo Beng Tien, masing-masing dapet gelaran Houw.
Soen Tian Houw mengoetjap trima kasi atas Baginda ampoenja boedi katjinta'an itoe.
Sekarang kita tinggalken sádja apa jang kedjadian di kota radja, maka baeklah kita adjak
