— 1649 —
pembatja tengok pada orang soeroeannja Ko Kong, jang telah trima prenta bawa soerat ka An Tien pada Sian Wan-gwe.
Koetika itoe orang .soeroean sampe di sana, sigra ia kasiken soeratnja Song In, jang koetika di batja ada tertoelis begini:
Di sampeken pada
soedara SIAN SIOE DJIN dan 'NSO
di AN TIEN.
Dengen girang Siauwte mengabarken, bahoea akoe soeda beroentoeng bisa dapet pangkat dan begitoe djoega Tjo Heng.
Sekarang ini, dengen pengharepan besar soeka kiranja Hengtiang adjak ’nso dan soedara-soedarakoe ka kota radja, di mana kita orang idoep berkoempoel sama- sama.
Djoega ada laen hal jang menggirangken Siauwte poenja hati. Siauwte soeda dapet bertemoe poela sama orang toea sendiri, soedara dan jang laen laen Djim Heng seKarang soeda tiada gagoe lagi, hanja bisa bitjara sebagimana kita orang biasa.
Tegesnja dalem ini soerat Siauwte tiada bisa menjataken begimana besar adanja itoe kaberoentoengan, tjoema di harep Hengtiang soeka lantas brangkat adanja.
Dari akoe:
SIAN SIOE ENG (Ko Kongtjoe).
Djoega di sebla bawanja itoe soerat ada tertoelis brapa baris perkata’ an jang menjataken slamet dan trima kasi, jang mana ada di pertandain tangannja Ko Kong, istri dan anaknja.
