— 1653 —
maoe merasaken beroentoeng dan ingin bertemoe sama swami jang soeda dapet pangkat!"
„Memang kaloe Dji Naij-Naij tiada boleh tiada moesti pergi ka sana," kata Sian Wan gwe, „kerna kaloe tinggal di sini sadja begimana bisa djadi oeroes. Toch boekan pantesnja; Istri di mana laki di mana!"
Thio Si berdiam sadja, tapi kaloe diliat roepanja ia poen memang ingin pergi.
„Sekarang begini sadja," kata Sian Wan-gwe, kita orang pergi ka kota radja anterin Djie Naij-Naij, sekalian kita membri selamat pada Djite dan Samte serta ia-poenja sekalian familie di sana.Nanti kaloe soeda slese baroe kita orang balik poela ke mari. Begitoe adanja akoe poenja pikiran, tjoema belon taoe istrikoe dan Dji Naij Naij pikir begimana?"
Peng Si njataken setoedjoe. Paras moekanja Thio Si itoe waktoe ada bersorot terang, satoe tanda ia poen merasa sanget girang dengen itoe poetoesan jang telah di ambil.
„Esok pagi kita orang moesti lantas brangkat," kata Wan gwe, dan ini sore kita haroes adaken perdjamoean makan minoem, mengasi slamet pada Dji Naij Naij jang beroentoeng.
„ltoelah tiada perloe," saoet Thio Si, perkara itoe haroeslah di pandang lóemra sadja. Pendeknja akoe tiada maoe trima oetjapan begini atawa begitoe."
„Tapi sepantesnja kita orang moesti bikin apa jang perloe," kata Wan gwe.
Begitoelah itoe waktoe boedjang lantas diprenta masak ini dan itoe boeat bersantap sabentar sore;
