— 1156 —
„Dan itoe orang jang baroe maoe di taro di mana?" menanja Lo Keng: „Kaloe ditaro disini akoe kwatir Naij- Naij tiada soeka dan Bauw Si gampang mendapet taoe.
— „Tentoe djoega akoe bakal taro di sini. Taij-Taij tiada mara dan boleh djadi ia nanti merasa soekoer kaloe akoe bisa lepasken Dji Hoa, jang kau taoe sendiri begitoe djoedes. Pendeknja dari semoea fihak akoe tiada nanti dapet halangan: Dji Hoa taoe tinggal taoe bikin pendek djodo akoe poen tiada merasa berat!"
― „Dan kaloe begitoe ada laen perkara." Ka doea orang ini lantas berdami lebi djaoe, sasoeda apa jang di bitjaraken djadi tetep, Hok Tjoen prenta Lo Keng berlaloe, sedeng ia sendiri sigra pergi ketemoeken Soen Nio, sama siapa ia britaoe maksoednja aken berniaga.
„Akoe liat orang-orang dari sini jang pergi ka Kang Lam kebanjakan telah poelang dengen beroentoeng, hingga membikin akoe merasa ketarik," ia kata: Sama brapa soedagar jang aken pergi ka sana akoe ada berdjandji toeroet brangkat bersama-sama dari itoe harep Taij-Taij soeka meloeloesken."
„Itoelah niatan jang tiada bisa di kaboelken olehkoe Tjoen," saoet Soen Nio, „pakerdja'an dagang boekannja gampang, tjape dan makan hati, boeat saorang sebagi angkau, makan tjoekoep
