— 1162 —
Hok Tjoen pergi ka Tin Kok Hoe, di mana ia berpamitan pada Soen Nio dan adjak Lo Keng brangkat bersama-sama. Ini tiga orang doedoek satoe praoe besar jang telah di pesen lebi doeloe.
Tiap tiap sampe pada tempat rame ia orang mendarat bikin plesir ini dan itoe, jang semoea ada di goenaken banjak oewang. Lo Keng dan Bauw Hian, njalalah doea doea ada sanget gemar sama berbagi-bagi plesiran; Hok Tjoen jang memang ingin ambil hatinja itoe boedjang familie Bauw sengadja angon padanja dalem roepa-roepa kemaoean, maski djoega boeat itoe ia moesti oewang dari sakoenja sendiri.
Liwat brapa hari kamodian marika telah sampe di Djin Ho dan menoempang dalem hotel merk Eng Khe Tiam, di mana doeloean Bauw Hian soeda taoe tinggal sakean lama bersama Bauw Kong.
„Akoe denger tjita-tjita di sini ada paling bagoes, maka tjobalah kau anterin akoe pada sala satoe toko dan kita boleh lantas moelai berdagang," kata Hok Tjoen pada Bauw Hian.
„Di sebla kaler ini roema makan ada satoe toko tjita jang paling besar, Wan-gwe tempo masi dagang ampir selamanja blandja di sitoe," saoet Bauw Hian.
Hok Tjoen sigra minta di anter ka itoe toko, di mana setelah sampe ia lantas bli roepa-roepa
