— 1165 —
Dengen tiada maloe-maloe Hok Tjoen lantas bri taoe, bahoea ia maoe bli satoe gadis baek-baek boeat djadi istrinja dan djandjiken oepaän bagoes bila orang bisa oendjoek padanja satoe gadis jang dipenoedjoe.
― Tiada djaoe dari sini akoe bisa oendjoek satoe gadis, tjoema blon taoe Siangkong bisa penoedjoe atawa tiada. Gadis itoe selaennja berparas tjantik. djoega pande dalem perkara sair menjair menari, dan laen-laen pakerdja'an aloes.
― „Orang jang berparas tjantik dengen ada di sertain pande soerat menjoerat, maka tjara begimana kau takoet akoe tiada setoedjoe?"
― „Sebab ia tinggal dalem roema pelesiran.
― „Itoe tiada kenapa, asal sadja gadis dan betoel- betoel berparás tjantik. Sekarang tjoba kau oendjoek roemanja itoe orang dan sama sama akoe pergi liat."
„Roemanja itoe orang poen tiada djaoe toe'pa di sebla," kata itoe pengoeroes hotel, „setiap pagi itoe nona tentoe pasang hio di blakang roema, di sitoe nanti Siangkong bisa dapet liat teges dari loteng di blakang roema ini. Lebi doeloe Siangkong liat dengen mata sendiri, kaloe penoedjoe baroe akoe pergi bitjara pada orang toeanja."
Hok Tjoen bilang baek, tapi ia menegesin, apa bener-bener orang itoe masi gadis.
„Jang akoe taoe jalah masi gadis, oesianja poen
