— 1167 —
dengen tiada takoet atawa begimana ia bertaoeken apa soeda terdjadi atas dirinja Keng Hoa, hingga Ong Ma djadi moerka sekali.
„Kenapa kau soeda brani begitoe lantjang kasi ia pergi dari sini?" tanja Ong Ma. „Kaloe akoe taoe bakal terdjadi begini, biar mati di tangankoe tiada nanti akoe loeloesken dalem kau poenja rawatan! Pertjoema sekali sabegitoe lama akoe pandang kau sebagi anak jang paling di jinta paling dipertjaja! Ka mana itoe boedi jang akoe soeda briken padamoe? Njatalah kau lebi perloeken laen orang dari pada orang toea sendiri!"
„Kaloe akoe tiada kasi ia berlaloe, nistjaja djiwakoe binasa!" saoet Lian Eng: Siotjia ada toendangan Tjo Kie-djin, tjoetjoenja Gak Trij-djin jang tinggal di kampoeng Lioe Hong Tjoan. Repa roepanja saorang loear soeda bri taoe pada itoe bekas pembesar kaloe tjoetjoe mantoenja ada di sini, maka pada satoe malem ia telah kirim koerang lebi ampat poeloe orang dateng kamari; tjara memaksa ia minta akoe kaloearken Keng Hoa dan antjem maoe diboenoe kaloe niatnja tiada dikaboelken."
„Biarpoen begitoe kau toch boleh bilang: iaorang tiada poenja hak boeat bawa itoe orang, katjoeali oewang pembliankoe diganti!" kata lagi Ong Ma. „Lagi dalem hal ini kau ada bersala besar; berkali-kali akoe tanja kau bilang blon
