— 1169 —
menginep ketemoe Hok Tjoen jang maoe tjari prempoean boeat istrinja, maka dengen girang ia mengoendjoek ka sitoe.
Menoeroet sebagimana pesenannja itoe pengoeroes Hok Tjoen soeda dapet liat roepanja Joe Si, tentoe sadja ia merasa sanget penoedjoe dan minta lantas di anter pada Ong Ma boeat bitjaraken itoe pemblian.
Pengoeroes hotel soeda anter padanja, di sini kita ambil pendeknja sadja Hok Tjoen soeda bli Joe Siotja dengen harga sariboe tail perak. Ini pendjoealan ada di bikin resia dan sama sekali di loear taoenja Lian Eng; Ong Ma telah pesen apa-apa pada Hok Tjoen, jaitoe begimana ini pembli moesti berboeat aken bawa Joe Si dengen tiada menerbitken tjoeriga.
Satelah pembitjara'an djadi tetep Hok Tjoen sigra berlaloe, sedeng ini prampoean toea djoega lantas pergi pada Lian Eng, sama siapa ia memboedjo k dengen djalanken satoe tipoe.
„Eng, akoe ada omongan apa-apa boeat djadi kau poenja kaselametan, tapi blon taoe kau soeka menoeroet atawa tiada? Begitoelah ini batauw moelai mengotje.
„Omongan begimana iboekoe?" saoet Lian Eng jang bales menanja: „lboe taoe sendiri akoe sanget bentji sama omong-omongan jang tiada oeroes, maka lebi doeloe iboe haroes mengarti, akoe
