— 1181 —
rang senang ada di oendjoek njata dan saban-saban mengasi liat antjeman jang aken menerbitken kariboetan, tapi Jam Tikoan kaliatan tiada ambil perdoeli dan roepanja sengadja memang berboeat begitoe.
Sekarang pendoedoek negri djadi ilang sabarnja, brapa orang diam-diam telah dateng ka goenoeng Yauw Taij dan bikin perhoeboengan sama kawanan pendjahat di sitoe. Ia orang moefaketan boeat bikin penjerangan ka dalem kota, boenoe Jam Ti Koan dan sekalian pembesar kedji jang bekerdja di itoe tempat.
Sigra djoega itoe bebrapa kepala begal siapken sariboe rahajatnja jang di lengkepken sama berbagi-bagi sendjata. Itoe penjerangan di tetepken sabentar malem djam doea blas, di mana bebrapa kawan jang bekerdja di sebla dalem nanti boeka pintoe kota dan samboet pada marika itoe.
Begitoelah soeda kedjadian satoe penjerangan heibat di dalem kota Djin Ho. Lebi doeloe kapala begal dan sekalian rahajatnja bongkar goedang oewang dan ramsoem serta ambil apa jang ada, kamodian lepas oempan api di sana sini, hingga sabentaran sadja api djadi menjala besar.
Dengen menggoenaken itoe tempo jang baek, ini koempoelan orang biadap menjerang ka sana sini, hingga pendoedoek negri toea, moeda, lelaki dan prampoean banjak jang telah ilang djiwanja di dalem itoe kariboetan.
