— 1188 —
Baginda Sin Tjong toeroet advisnja itoe bebrapa pembesar dan lantas di siarken soerat salebaran di koeliling tempat boeat tjari orang-orang gaga. Djoega Baginda sampeken soerat pada pembesar residentie dan afdeeling dan minta marika itoe berlakoe ati-ati dalem pakerdjahannja, djangan sampe kena di djebak oleh moesoe jang sedeng maoe brontak.
Begimana kasoeda’annja atas itoe kahendak dari pamerentah di kota radja ini bagi pembatja aken sigra nanti dapet kenjata’an, tapi sekarang baek kita tinggal doeloe dan balik meliat pada Yoe Siotjia dalem praoe jang di sewa oleh Hok Tjoen.
Teroes meneroes itoe praoe belajar dengen tjepet sekali, Joe Si itoe tempo tiada merasa tjoeriga lagi, kerna ia dapet kenjata’an Hok Tjoen tiada mengandoeng niatan apa-apa lagi pada dirinja.
Tapi soeda tentoe doega’an itoe sanget kliroe, karna hal jang sabenernja poen boekan begitoe.
Tatkala praoe singga di Lim Kang, Hok Tjoen jang dari bebrapa hari soeda berpikir banjak, pada itoe hari ia panggil Bauw Hian, sama siapa ia berkata: „Sekarang ini masi siang, maka baeklah kau mendarat di sini dan pergi poelang ka gedong Tin Kok Hoe serta balik kombali bawa kandaran boeat moeat Yoe Si. Nanti kaloe itoe nona soeda sampe di sana, dengen setjara paksa
