Liauw Tjay.
237
Maski Tang Sie berkata begitoe, akan tetapi Lauw Peng Gie tiada maoe toeroet, hanja ia lantas prentah Thio Lok Soh boeat pergi
di roemahnja Soen Khoaij Hoe kasi tahoe jang ia maoe bikin hari kawin itoe hari djoega; tempo Thio Lok Soh soedah trima prentah dan maoe berangkat pergi, lantas Lauw Peng Gie pesen pada Thio Lok Soh itoe soepaja ia djangan bitjara satoe apa pada Soen Khoaij Hoe, jang Lauw Pok ada dapet sakit keras, soepaja bikin djoesta
Bama Soen Khoaij Hoe sadja.
Tjerita Lauw Peng Gie poenja tetangga jang tinggal di seblah roemahnja serta dengar Lauw Peng Gie maoe mengawinken anaknja jang lagi sakit keras, hingga tetangganja itoe samoeanja djadi heran, kerna marika itoe tiada tahoe Lauw Peng Gie poenja maoe begimana, maka itoe kabar sampelah pada Soen Khoaij Hoe jang mana ia lantas dapet tahoe bahoewa dia poenja mantoe lagi sakit keras.
Hata itoe satoe hari Thio Lok Soh dateng di roemahnja Soen Khoaij Hoe, tempo ia orang bertemoe berdoewa, lantas Soen Khoaij Hoe menanja: Lauw jin Khe kapan dia maoe menetapin hari kawin?
Lantas Thio Lok Soh berkata: Lauw Siang Kong soedah bikin tetap itoe hari djoega, tiada boleh moendoer lagi.
Lantas Soen Khoaij Hoe menanja lagi: Mengapakah Lauw jin Khe poenja maoe begitoe keroepoekan bikin tjepet itoe hari kawin?
Oleh kerna Thio Lok Soh lihat kesian sama Soen Khoaij Hoe, maka ia lantas kasi tahoe dengan sebetoelnja, katanja: Maka Lauw Siang Kong maoe tjepet-tjepet kawinin dia poenja anak, sebab sekarang ini dia poenja anak lagi dapet sakit keras, djikaloe soedah tetap djadi kawin, kendatinja dia poenja anak pendek oemoernja itoe poen soedah tetap djadi dia poenja mantoe dengan poenja anak prampoean.
Serta Soen Khoaij Hoe dengar hingga ia mendjadi kaget, tapi kerna ia takoet Lauw Peng Gie mendjadi mara, maka apa boleh boeat dia toeroet sadja dari Lauw Peng Gie poenja permintahan. Maka itoe koetika djoega Thio Lok Soh lantas berangkat poelang koembali di roemahnja Lauw Peng Gie.
Tjerita Soen Khoaij Hoe dapet dengar Lauw Pok dapet sakit keras, dari itoe lantas Soen Khoaij Hoe sigrah berpikir di dalem hatinja, kita sajang kita poenja anak prampoean seperti moestika, djikaloe Lauw Pok mendjadi mati tentoe kita poenja anak djadi kepiran, kaloe kita tiada kasi kawin tentoe Lauw Tjin Khe mendjadi mara, sekarang kita poenja anak prampoean masi moeda begimana akal boeat kasi moendoer itoe hari kawin. Selagi Soen Khoaij Hoe berpikir begitoe, sakoenjoeng-koenjoeng Thio Lok Soh dateng lagi di roemahnja Soen Khoaij Hoe itoe lantas Soen Khoaij Hoe kasi tahoe pada Thio Lok Soh dari ia poenja pikiran itoe serta ia berkata lagi: Kaloe intjim poelang intjim boleh kasi tahoe pada Lauw Tjin Khe.
Serta Thio Lok Soh trima prenta lantas ia djalan kloear, tempo ia baroe sampe di pintoe roemah itoe, lantas Soen Khoaij Hoe
