Liauw Tjay.
257
Lantas Pauw Boen Tjim pikir Thio Taij Tjiauw poenja perkatahan belon begitoe terang, dari itoe Pauw Boen Tjim lantas prentah Thio Taij Tjiauw soeroe balik poelang koembali di doenia. Sasoedahnja Thio Taij Tjiauw poenja haloes poelang koembali, lantas Pauw Boen Tjim prentah doea setan boeat panggil melekat Tjoe Lok Poan Khoa, begitoe djoega itoe doea aetau lantas pergi panggil itoe melekat Tjoe Lok Poan Khoa dateng di depannja Pauw Boen Tjim, menanja pada melekat Tjoe Lok Poan Khoa: Mengapa medjadi Tjih Tong Sin saorang jang bode kaoe bikin dia djadi kaja besar, tapi dengan saorang jang pinter kaoe bikin djadi miskin, kaloe begitoe kaoe soeka bikin djoesta sama orang di dalem doenia.
Lantas melekat Tjoe Lok Poan Khoa berkata: Itoe boekannja saja poenja sala dari bagi redjeki orang di dalem doenia, begimana prentahnja Toeban jang koeasa begitoe iang saya bagi. Djikaloe ada orang di dalem doenia soeka soedjoet saija poenja gambar tertoelis Tjih Tong Sio, melainkan saya kaboelken keslamatan di dalem itoe orang poenja roema tangga, lain dari itoe saja tiada brani melanggar prentahnja Toeban boeat bikin orang djadi kaja, djikaloe orang jang kaja soedah misti toelisannja mendjadi kaya, orang iang djahat ataoe baek samoeanja saija bagi itoe redjeki banjak sedikit djoega saija bagi rata, saija tiada biani djoesta sama orang di dalem doenia, itoe oranh; iang pinter memang djoega bisa oentoeng boeat dia bisa pake, sebab ia mengandelken dari dia poenja kepinteran iang gampang oentoeng dan gampang pake, orang iang bodo memang bekeréja tjape boeat mentjari oentoeng memikoel ataoe mematjoel bikin sawah, dia dapet sedikit oentoeng dia tiada brani pake samoeanja melainken ia pake separoh bagian, maka lama kelamaaan dia simpen itoe oewang mendjadi banjak, maka di kasi r.ama Sioe Tjih Lo (djadi boedak oewarg), maka dia boleh djadi orang kaya besar seperti Thio Taij Tjiauw iang sekarang ada di dalem doenia, dari itoe saya libat Lie Fok terlaloe amat pinter dajiet satoe tangtjie maoe pake apoeloe tangtjie, begimana dia boleh mendjadi berharta oewang, sebab ia meagandelken dari dia poenja kepinteran sadja, maka dia djadi miskin di dalem doenia, dari Lie Pok berklagt akan saya iang saban hari dia bersoedjset dan membikin ongkos sembahjang boeat taroh di depan saya poenja gambar, tetapi itoe barang saya tiada makan tjoemah saya trima dia poenja soedjoet dengan tiga Hio wangi iang saban hari asepnja melajang di mana saija poenja tempat tinggal, djoega saban hari saya bagi dia poenja redjeki dengan saija kasi keslamatan di dalem doenia, mengapa ini hari dia boleh boeat dengki pada Thio Taij Tjiauw iang djadi saorang kaja besar. Memang Thio Taij Tjiauw soedah toelisannja toeroen di doenia mendjadi orang kaja besar, tjoemah ia boleh pegang itoe harta tiada boleh pake dengan senang hati, lagi Thio Taij Tjiauw memang doeloe hari ia soeka toeloeng orang iang miskin, dan ia berdagang banjak lepas oetang, maka Toeban iang koewasa toeroenken di doenia dia djadi orang kaija besar.
Itoe Lie Pok doeloe hari ada di doenia dia tiada taboe pake hati baek menoeloeng orang, hanja soeka bikin tipoe mengambil oentoeng sebab Lie Fok saorang iang pinter, mata Toeban iang koeasa toeroenken di doenia mendjoeal dia poenja soeara mendapet oentoeng begitoe djoega kaloe dia dapet ridjeki banjak ataoe sedikit, begitoe habis ia tiada bisa boeat simpen itoe harta banda. Sasoedahnja Tjoe Lok Poan Khoa habis bitjara, lantas Pauw Boen Tjim bikin satoe poetoesan kasi tahoe pada melekat Tjoe Lok Foan Khoa: Djikaloe sekarang kaoe membagi redjeki pada orang di dalem doenia, kaloe kaoe liat orang toewa dan tjinta pada dia poenja anak bini ataoe sama lain orang, serta ia bisa sajang barang-barangnja dan bica mengamal orang iang miskin iang dapet soesah dengan sebetoel-betoelnja ia itoe orang iang kesakitan ataoe kematian, maka kaoe misti tambah itoe orang poenja redjeki lebi banjak, djikaloe orang iang ada oewang berpake hati djahat tiada bisa hormat sama dia poenja orang toewa ataoe ia tiada bisa sajang dia poenja anak bini, tapi ia bisa hinain orang iang miskin, itoe haroes kaoe koerangken dia orang poenja redjeki, djikaloe kaoe tambah itoe orang iang djahat poenja redjeki tentoe sekali dia mengangkat dari dia poenja keangkeran bertambah
