96
nona Kim Ting poenja boegee begifoe bagoes, tetapi Song Boen Pin poenja soedara bernama Song Boen Djaij timboel amarahnja sampe dia poenja 2 mata menteleng dan kratak giginja lantas dis angkat dirinja naek nona-nona itoe poenja pera- hoe dan dia tariak: Hei! siapa loe begitoe koerang adjar, baiklah andika taoe jang kita poenja nama Tiat Kim Kong Song Boen Djaij.
Nona Tio Kim Ting pegang tangannja Song Boen Djaij maka dia berdoewa,pada berklahi saling poekoel, maskipoen nona Kim Ting ada begitoe koeat, tetapi dia baroesan poekoel pada Song Boen Pin, maka dia ada koerang dia poenja koeat dan dia poenja keringet berlinang di atas dia poenja badan.
Maka nona Sim Gwat Kó lantas deketin dan boedjang prampoean Siauw Tho tarik Song Boen Djaij poenja paha kaki sablah kanan, maka Song Boen Djaij lantas djato terlentang, nona Tio Kim Ting dan boedjang prampoean Siauw Tho pegangin kakinja Song Boen Djaij, nona Sim Gwat Kó, nona Liok So Goo pegang 2 tangannja, nona Djaij So Ting, nona Hoa Aij Tjre, nona Tian So Djit, Tian So Gwat dan nona Liok Tjoei Goo, angkat badannja sembari poekoel, sampe Song
